入行17年，阿嬌嘅男友／緋聞男友都唔少，但認過／斷正過嘅，三隻手指數得晒。 話就話自己好天真好傻，但其實阿嬌拍拖真係好小心，今次佢同細佢四年嘅台灣新歡「醫界王陽明」頼弘國（Michael Lai）拍拖，之前兩人一直好小心，即使女方去到男方地頭——台灣拍劇，「醫界王陽明」親自來探班甚至接送，都冇傳媒影到二人同行照。即使係ig，都係得「醫界王陽明」follow阿嬌，阿嬌係冇follow對方。 小心到咁，未知是否因為同陳冠希拍拖時已經慣咗，要低調，低調，再低調，所以咁以嚟，係05年同方力申雙雙到瑞士過情人節喺機場被「捕獲」之外，其他都係得個「傳」字。對上一個公開認愛嘅，已經係GD死黨K先生、即少時Jessica現任男友。阿嬌當時受背患困擾同急性盲腸炎，K先生人肉速遞來港照顧，就係咁撻著咗。 阿嬌本來都係玩低調，甚至出動御用座駕護送男友出入，而K先生就「匿藏」阿嬌當時位於半山嘅香閨，同今次儼如「翻版」一樣——又係阿嬌出車出樓，保護男友，可惜拍拖一年／公開戀情未夠半年，都係分手收場。阿嬌事後解釋：「因為佢開始識好多artists，又好鍾意玩，我又唔鍾意，大家性格都唔係好啱。」但一次活動上，阿嬌唔小心露口風話係因為有第三者致分手，言下之意即係Jessica… 最近受頸痛問題纏繞嘅阿嬌，係咪因為咁而撻著「醫界王陽明」不得而知——阿嬌8月去台灣男方工作嘅醫學美容中心斷正，事後Mani代阿嬌解釋：「佢話係朋友開嘅公司，有高壓器令到佢嘅膊頭舒緩。唔係整容，唔係美容。」信唔信大家自己諗。 But，英雄救美呢招，用喺阿嬌身上一定Work。記唔記得Juno麥浚龍？兩人07年拍《破事兒》發展地下情，至閃卡事件後，有傳Juno收留阿嬌避靜避傳媒，默默支持阿嬌，可惜最後分手收場。 阿嬌曾說：「初戀男友灌輸咗個思想俾我，就係拍拖要一個接一個，所以之前我一甩拖，就覺得好寂寞，依家大個女，好享受一個人嘅生活。」講還講，阿嬌嘅男友，還是一個接一個……

更多詳細資料：黑馬車隊：台灣機場接送

文章来源：http://hk.apple.nextmedia.com/enews/realtime/20171007/57296456